Ad Banner
Ad Banner
Ad Banner
Ad Banner

Vazhdon rinumërimi i votave në QNR, 10 nga 16 kuti tashmë të përfunduara

12:13 | 23 Tetor 2025
E.K

Komisioni Qendror i Zgjedhjeve (KQZ) ka njoftuar se në Qendrën e Numërimit dhe Rezultateve, nga pasditja e së mërkurës deri në orën 10:00 të ditës së sotme, janë rinumëruar 10 nga 16 kutitë e votimit.

Ky proces po vazhdon pas vendimit të djeshëm të KQZ-së për rinumërimin e këtyre kutive.

“Rinumërimi i 16 kutive të votimit, që i takojnë 12 vendvotimeve të komunave të ndryshme, planifikohet të përfundojë në mesditën e sotme. Nga ky numër i përgjithshëm, 5 kuti votimi i takojnë zgjedhjeve për Kryetarë të Komunave dhe 11 të tjera nga zgjedhjet për Kuvende Komunale”, thuhet në njoftim.

“Rezultatet nga ky rinumërim pasqyrohen në platformën për rezultate https://resultslocal2025.kqz-ks.org/, në rubrikën ‘Rezultatet QNR – Rinuëmruara’”, shton njoftimi i publikuar në faqen zyrtare të KQZ-së.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm