Një person është arrestuar në fshatin Qupevë të Klinës për kontrabandim me migrant, raporton Policia e Kosovës.

Sipas policisë, gjatë kontrollit në automjetin që e drejtonte i dyshuari, janë gjetur gjashtë shtetas të huaj pa dokumente personale me origjinë nga Egjipti, shkruan Arbresh.info.

Dyshohet se të njëjtit kishin kaluar kundërligjshëm kufirin nga Shqipëria në Kosovë.

“Fsh. Qupevë, Klinë 20.10.2025 – 23:25. Është arrestuar i dyshuari mashkull kosovar, pasi është ndaluar dhe në automjetin të cilën ishte duke e drejtuar, gjatë kontrollit i janë gjetur gjashtë (6) shtetas të huaj pa dokumente personale, që dyshohet se të njëjtit e kishin kaluar kundërligjshëm kufirin nga Shqipëria në Kosovë, ndërsa ishin me origjinë nga Egjipti. Me vendim të prokurorit, i dyshuari pas intervistimit është dërguar në mbajtje, ndërsa shtetasit e huaj (6) janë dërguar në Drejtorinë për Migrim dhe të Huaj për procedura të mëtutjeshme”, thuhet në raportin 24 orësh të PK./Arbresh.info