Manaj: Një nga ditët më të bukura të jetës sime

Shqipëria fitoi sot me rezultat 1-0 në Leskovc të Serbisë.

Kjo ishte një fitore e madhe dhe historike për kombëtaren shqiptare duke ditur historinë mes shteteve si dhe rëndësinë e lojës për pozitën e dytë, shkruan Arbresh.info.

Pas takimit protagonisti kryesor, Rey Manaj, foli për SuperSport, ku theksoi se është dita më e lumtur e jetës së tij.

“Kjo është një nga netët më të bukura të jetës sime. Pas ndeshjes së parë në Shqipëri ka marrë shumë komente. Disa komente ndonëse nuk I meritoja, sot gjithë Kosova e gjithë Shqipëria janë krenar me çunat. Tani duhet të vazhdojmë të bëjmë një ëndërr realitet për gjithë shqiptarët në botë”, tha ai.

“Para 11 viteve kemi luajtur me Serbinë, sonte i rrahëm në shtëpinë e tyre. Duhet të kënaqemi dhe të festojmë të gjithë”.

Shqipëria është e dyta me 11 pikë katër më shumë se Serbia e treta./Arbresh.info