Anwil ka arritur të mposht Bashkimin me rezultat 93-71, duke e përmbysur rezultatin nga sfida e parë dhe siguruar grupet e Fiba Europe Cup.

Bashkimi fitoi ndeshjen e parë me pesë pikë diferencë dhe me një humbje deri në pikë kualifikohej, mirëpo kjo disfatë i eliminon nën-kampionin e Kosovës nga ky kompeticion, shkruan Arbresh.info.

Takimi nisi i baraspeshuar ku periudha e parë u mbyll me rezultat 21-21. Ndërkohë në çerekun e dytë polakët krijuan epërsinë prej katër pikësh, 46-42.

Edhe çereku ishte i niveluar me polakët që e ngritën epërsinë për një pikë, deri pas 30 minutave lojë rezultati ishte 64-59 në të mirë të polakëve.

Në çerekun e fundit dhe vendimtar, ish-kampioni i Fiba Europe Cup, zhvilloi super takim dhe e mbylli me 22 pikë diferencë ndeshjen, duke u kualifikuar tutje.

Më i dalluari në këtë takim për polakët ishte Michalak me 18 pikë. Teksa lojë të mirë bën edhe Slaughter me 11 sosh dhe Frumanavicius që shtoi 10 tjera.

Kurse për prizrenasit u dalluan dyshja Lake me 15 pikë dhe Cousins me 14 sosh.

Anwil në grupet e Fiba Europe Cup do të përballet me një tjetër skuadër kosovare, bëhet fjalë për Trepçën. Pjesë e grupit janë edhe Paoku i Greqisë dhe Braunschweig i Gjermanisë./Arbresh.info