Një automjet i vjedhur është gjetur dhe i është kthyer pronarit në Prizren, ndërsa i dyshuari për rastin është ndaluar nga Policia e Kosovës.

Policia njofton se më 28 shtator 2025 është raportuar vjedhja e një veture të tipit VW Fugon, ngjyrë e bardhë, në fshatin Vlashnjë.

Pronari kishte vërejtur më 26 shtator se automjeti nuk gjendej më në hapësirën e kompanisë së tij, ku ishte parkuar.

Njoftimi i plotë:

Policia e Kosovës, Drejtoria Rajonale në Prizren, njofton opinionin publik se më datë 28.09.2025, rreth orës 09:20, është raportuar një rast i vjedhjes së automjetit në fshatin Vlashnjë, Prizren.

Sipas deklarimit të ankuesit, automjeti i tipit VW Fugon, ngjyrë e bardhë, ishte parkuar në hapësirën e kompanisë së tij, ndërsa më datë 26.09.2025 kishte vërejtur se automjeti nuk gjendej më në vendin ku ishte parkuar.

Menjëherë pas pranimit të informatës, në vendin e ngjarjes kanë dalë hetuesi kujdestar, njësia e forenzikës si dhe Prokurori i Shtetit, me urdhër të cilit është iniciuar rasti si “Vjedhje”.

Sektori i Hetimeve ka ndërmarrë veprime intensive hetimore, duke mbledhur dëshmi relevante dhe duke punuar në identifikimin e të dyshuarit. Si rezultat i hetimeve, është konstatuar se i dyshuari është personi i njëjtë që ishte arrestuar më datë 26.09.2025 për disa raste të vjedhjes së motoçikletave.

Me datë 29.09.2025, i dyshuari është ndaluar me aktvendim të Prokurorit të Shtetit për 48 orë, ndërsa automjeti i vjedhur është gjetur në qytetin e Prizrenit dhe i është kthyer pronarit.

Policia e Kosovës, në koordinim me Prokurorinë, do të procedojë me kallëzim penal ndaj të dyshuarit për veprën penale të vjedhjes.