Mbi 66 mijë palestinezë janë vrarë në luftën Izrael-Hamas, tha Ministria e Shëndetësisë e Gazës të dielën.

Ministria tha në raportin e saj të përditshëm se numri i të vdekurve është rritur në 66 mijë e 5, me 168,162 të plagosur të tjerë që nga sulmi i Hamasit më 7 tetor 2023.

Mes të vrarëve ishin 79 që u sollën në spitale në 24 orët e fundit, tha tutje ministria, shkruan AP, transmeton Klankosova.tv.

Ushtria izraelite vazhdoi ofensivën e saj në Gaza ndërsa kryeministri Benjamin Netanyahu ishte në Uashington dhe planifikonte të takohej me Presidentin e ShBA-së Donald Trump të hënën.

Ofensiva e Izraelit ka shkatërruar zona të gjera të Gazës, ka zhvendosur rreth 90% të popullsisë dhe ka shkaktuar një krizë katastrofike humanitare, me ekspertë që thonë se Qyteti i Gazës po përjeton uri.