Prokuroria Themelore në Prishtinë, Departamenti për Krime të Rënda, njofton se pas përfundimit të hetimeve ka ngritur aktakuzë kundër katër të dyshuarve për veprën penale “Vrasje e rëndë”

“Sipas aktakuzës, me datë 26.03.2024 rreth orës 21:10 minuta në rrugën ”Butrinti”, në Prishtinë, në bashkëkryerje privojnë nga jeta të ndjerin E.G., dhe Z.G., dhe me atë rast me dashje dhe vetëdije vejnë në rrezik jetën e personave të tjerë”, thuhet në njoftim përcjell Arbresh.info

I pandehuri L.H. ndodhet në masën e paraburgimit, ndërsa ndaj të pandehurve N.B., A.B. dhe K.G. është ngritur aktakuzën në mungesën e tyre për shkak se ndodhen ende në arrati.

“Prokuroria ka ndërmarrë të gjitha veprimet e nevojshme për sigurimin e prezencës së të pandehurve në procedurë, mirëpo të njëjtit ndodhen ende në arrati me qëllim shmangien e organeve të drejtësisë”, thuhet më tej në njoftim.