Kanë përfunduar pjesët e para të katër ndeshjeve të mbrëmjes në Ligën e Kampionëve.

Kryendeshjen në Mynih mes Bayernit dhe Chelseas janë duke e fituar bavarezët me rezultat 2-1, shkruan Arbresh.info.

Një autogol i Chalobah në minutën e 20-të i dha epërsinë fillestare Bayernit. Kurse shtatë minuta më vonë Harry Kane dyfishoi nga penalltia.

Vetëm dy minuta pas këtij goli, Cole Palmer ngushtoi epërsinë me realizimin e tij.

Edhe sfida tjetër derbi mes Liverpoolit dhe Atleticos pas pjesës së parë është mbyllur 2-1, në të mirë të kampionit të Anglisë.

Golat për ‘The Reds’ i shënuan Andy Robertson në minutën e katërt dhe Salah dy minuta më voën.

Kurse Marcus Llorente në fundin e pjesës së parë shënoi për spanjollët.

Kampioni në fuqi i Ligës së Kampionëve, Parisi është duke e mposhtur Atalantan, 2-0.

Marquinhos shënoi në minutën e tretë, kurse Kvaratskhelia dyfishoi rezultatin në minutën e 39-të.

Barcola pati mundësi të shënoj golin e tretë por humbi penalltinë.

Kurse minimalisht 0-1 është duke fituar Interi në udhëtim tek Ajaxi. Golin e vetëm në këtë sfidë e shënoi Marcus Thuram me kokë./Arbresh.info