Beatrix Ramosaj, këngëtarja dhe ish-banorja e edicionit të parë të “Big Brother VIP Albania”, ka tërhequr sërish vëmendjen e ndjekësve të saj në Instagram me një set të ri fotografish ku shfaqet në formë të shkëlqyer.

Në disa prej pozave, Beatrix shihet pranë pishinës me bikini ngjyrë portokalli dhe të kuqe, duke nxjerrë në pah linjat trupore të tonifikuara.

Me flokët e kapura dhe një glam look të thjeshtë por efektiv, ajo ka arritur të sjellë një imazh natyral, por njëkohësisht shumë atraktiv.

Në foto të tjera, këngëtarja shfaqet në momente të ndryshme relaksi – herë në varkë gjatë perëndimit, herë pranë shtëpisë, dhe herë gjatë një xhiroje në makinë.

Me veshje verore, si xhinse të shkurtra, topa asimetrikë dhe aksesorë minimalë, Beatrix konfirmon edhe një herë sensin e saj të rafinuar të stilit.

Megjithatë, pavarësisht pranisë së saj aktive në rrjetet sociale dhe paraqitjeve të kuruara, ajo ka kohë që mungon në tregun muzikor.

Beatrix nuk ka publikuar projekte të reja kohët e fundit, duke lënë fansat e saj në pritje të rikthimit të saj në skenë.

Postimet e fundit të saj lënë të kuptohet se po shijon verën dhe jetën larg stresit të industrisë muzikore, teksa ka zhvendosur jetën e re në Florida të Shteteve të Bashkuara të Amerikës. /Telegrafi/