Kryeministri në detyrë i Kosovës, Albin Kurti, ka folur lidhur me dorëheqjen e Ministrit të Infrastrukturës, Liburn Aliu, i cili u largua nga kjo pozitë pas zgjedhjes së Dimal Bashës si Kryetar i Kuvendit.

Kurti tha se, pa humbur kohë, e ka emëruar Hysen Durmishin në këtë post dhe e falënderoi Liburn Aliun për kontributin e dhënë gjatë mandatit të tij.

“E falënderoj ish-ministrin Liburn Aliun për kontirbutin . Ne duhet të vazhdojmë përpara. Pa humbur kohë e kam emëruar në këtë detyrë zv.ministrin Hysen Durmishin”, pohoi ai.

I pyetur nga gazetarët nëse kishte ndonjë koment për dorëheqjen e Aliut në lidhje me emërimin e Dimal Bashës si kryetar të Kuvendit, Kurti tha shkurt:

“Por sa e dhashë unë komentin. Ne duhet të vazhdojmë përpara e falënderoj për këtë kontribut”.