Tubim në përkrahje të Vuçiqit pritet të mbahet sot në veri – dyshohet për përfshirje të Listës Serbe

18:32 | 23 Gusht 2025
E.K

Një tubim në mbështetje të presidentit të Serbisë, Aleksandar Vuçiq, dhe pushtetit të tij, pritet të mbahet këtë të shtunë nga ora 18:30 deri në 19:30 në veri të Kosovës.

Zëvendësdrejtori i Policisë për rajonin e veriut, Veton Elshani, ka konfirmuar se Policia është njoftuar për mbajtjen e tubimit, duke shtuar se organizatorët zyrtar janë shoqata të pensionistëve.

Elshani gjithashtu tha se ka informacione që pas tubimit që do të mbahet sot, pritet që të ketë përkrahje nga Lista Serbe.

“Ne jemi njoftuar për këtë tubim. Nuk e ndalojmë, është paralajmëruar nga shoqata e pensionistëve, por kemi informacione që pas tij mund të qëndrojë edhe Lista Serbe. Tubimi mund te mbahet në sheshin Car Llazar”, ka deklaruar Elshani./Arbresh.info