U godit nga vetura, ky është 87-vjeçari që mbeti i vdekur në Kllokot

11:35 | 23 Gusht 2025
E.K

Mustafa Zeqiri, një 87-vjeçar, ka ndërruar jetë si pasojë e plagëve të marra nga një aksident trafiku që ndodhi të premten në Kllokot.

Sipas Policisë së Kosovës, i moshuari ishte duke kaluar rrugën kur u godit nga një veturë. Për shkak të lëndimeve të rënda, ai nuk arriti t’i mbijetojë aksidentit.

Ndërkohë, drejtuesi i automjetit është arrestuar nga autoritetet.

“Është arrestuar i dyshuari mashkull kosovar, pasi i njëjti derisa ishte duke drejtuar veturën, dyshohet nga pakujdesia ka shkaktuar aksidentin duke goditur viktimën mashkull kosovar-këmbësor, i cili ishte duke kaluar rrugën. Si pasojë viktima ka pësuar lëndime dhe është dërguar në QE-Gjilan, por për shkak të lëndimeve ka ndërruar jetë. Me vendim të prokurorit, trupi i pajetë i viktimës është dërguar në IML për obduksion, ndërsa i dyshuari është dërguar në mbajtje”, thuhet në njoftimin e policisë.