Policia e Kosovës ka dhënë detaje lidhur me vrasjen e rëndë ka ndodhur mrëbjen e së hënës në Hajvali të Prishtinës.

Sipas policisë, dyshohet se një person ka shtënë me armë zjarri në drejtim të viktimës dhe është larguar nga vendi i ngjarjes, shkruan Arbresh.info.

Vdekjen e viktimës e ka konstatuar ekipi mjekësor në QKUK ndërsa në vendin e ngjarjes në cilësi të provave materiale është gjetur një gëzhojë e armës së zjarrit.

I dyshuari është në kërkim policor ndërsa hetimi për zbardhjen e rastit po vazhdon.

“Hajvali, Prishtinë / 11.08.2025 – 21:46. Një i dyshuar mashkull kosovar, dyshohet se kishte shtënë me armë zjarri në drejtim viktimës mashkull kosovar. Si pasojë e plagëve të marra viktima ka ndërruar jetë. Vdekjen e viktimës e ka konstatuar ekipi mjekësor në QKUK. Në vendin e ngjarjes në cilësi të provave materiale është gjetur një gëzhojë e armës së zjarrit. I dyshuari pas kryerjes së veprës është larguar nga vendi i ngjarjes dhe i njëjti është në kërkim policor. Rasti është duke u hetuar nga njësitet kompetente. Me vendim të prokurorit trupi i pajetë është dërguar në IML për autopsi”, thuhet në raportin 24 orësh të PK-së./Arbresh.info

LEXO EDHE:

Vrasja që tronditi vendin mbrëmë – Çka dihet deri tani për vrasjen në Hajvali