Policia e Kosovës ka shpallur në kërkim tre persona bazuar në autorizimin e Prokurorisë Themelore në Gjilan, me qëllim lokalizimin dhe arrestimin e të dyshuarve, lëshon këtë kërkesë për bashkëpunim me qytetarët dhe mediat.

Sipas njoftimit, të dyshuarit janë Mefail Shkodra, Edonis Shkodra dhe Engjull Shkodra, shkruan Arbresh.info.

“Policia e Kosovës, Drejtoria Rajonale në Gjilan, kërkon nga qytetarët dhe mediat që kushdo që ka informacion për vendndodhjen e personave në fotot e bashkëngjitura, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë”, E-mail: [email protected] dhe numrat kujdestarë 038 504 504 7299 dhe 038 504 504 7201.”, thuhet në njoftim./Arbresh.info/

Ndryshe, tre persona kanë mbetur të vrarë në Gjilan, derisa ka edhe të plagosur nga të shtënat me armë zjarri.

Fillimisht Policia e Kosovës njoftoi për vdekjen e dy personave në vendin e ngjarjes, në rrugën “Ibrahim Rugova”, derisa konfirmoi se dy të tjerëve të plagosur u është dhënë ndihma në qendrën emergjente në Gjilan./Arbresh.info/