Gjykata Themelore në Prishtinë ka konfirmuar se ka pranuar aktakuzën e ngritur nga Prokuroria Speciale e Republikës së Kosovës kundër Igor Popoviq, ndihmësdrejtor në Zyrën për Kosovë në Qeverinë e Serbisë.

Sipas njoftimit zyrtar, Popoviq ka pranuar fajësinë për veprën penale “nxitje të përçarjes dhe mosdurimit”, nëpërmjet një marrëveshjeje me prokurorinë.

Zëdhënësja e gjykatës, Mirlinda Gashi, ka bërë të ditur se seanca e shqyrtimit fillestar do të mbahet të premten, më 8 gusht 2025, në orën 10:00.

“Ju njoftojmë se Gjykata Themelore Prishtinë ka pranuar Aktakuzën me marrëveshjen për pranim të fajësisë nga Prokuroria Speciale e Republikës së Kosovës në çështjen penale ndaj të akuzuarit I.P. Seanca e shqyrtimit fillestar është caktuar të mbahet me datë 08.08.2025 në ora 10.00”, tha ajo./Arbresh.info

Ngrihet aktakuzë ndaj Popoviqit që e quajti UÇK-në “terroriste”, ai e pranon fajësinë