Lojtarët e Real Madridit fituan mesatarisht 850,000 euro bruto për person sezonin e kaluar, të dhëna si bonuse nga drejtuesit e klubit.

Sipas gazetës Marca, bonuset për lojtarët erdhën nga triumfi i tyre në Superkupën e UEFA-s dhe Kupën Ndërkontinentale të FIFA-s, si dhe kalimi në gjysmëfinale në Kupën e Botës për Klube.

Pavarësisht se asnjë lojtar nuk shprehu dëshirë për t’u larguar pas caktimit të rolit nga Xabi Alonso, pagesat e majme nxjerrin në pah rëndësinë financiare të klubit, edhe në një sezon pa tituj të mëdhenj vendas apo evropianë.

80 milionë eurot e fituara nga Kupa e Botës për Klube përfshinin 280,000 euro për lojtar (50,000 euro për fazën e grupeve, 80,000 euro për fazën e 1/8-tës dhe 150,000 euro për gjysmëfinalet).

Pastaj pati bonuse shtesë nga Superkupa e Evropës (4.5 milionë euro) dhe Kupa Ndërkontinentale që e çojnë mesataren në 850,000 euro – një shifër që sipas gazetës Marca është “e paarritshme për 95% të ekipeve”.

Ndryshe, pavarësisht vendimeve të qarta të Alonsos për formacionin gjatë Kupës së Botës për Klube, asnjë lojtar apo agjent nuk i është afruar zyrave në Valdebebas për të diskutuar një largim, duke sinjalizuar besnikëri të palëkundur. /Telegrafi/