9 milionë euro për ujërat e ndotura në Prishtinë, Rama: Marrëveshja me KfW-në drejt finalizimit

13:59 | 29 Korrik 2025
E.H

Kryetari i Komunës së Prishtinës, Përparim Rama, ka njoftuar sot për një hap të rëndësishëm në përmirësimin e infrastrukturës dhe mbrojtjes së mjedisit në kryeqytet, përmes një projekti për trajtimin e ujërave të ndotura në bashkëpunim me Bankën Gjermane për Zhvillim, KfW.

Përmes një postimi në Facebook, Rama tha se në takimin e zhvilluar me përfaqësues të KfW-së dhe institucionet zbatuese, është arritur dakordimi për finalizimin e marrëveshjes për investimin në këtë projekt jetik për qytetin.

Vlera e investimit arrin në 9 milionë euro, të cilat do të ndahen në tre këste vjetore.

“U dakorduam për koordinim të punimeve me projektet ekzistuese të infrastrukturës, sidomos në zonën e sheshit ‘Xhorxh Bush’, tha Rama./Arbresh.info