Ylli portugez, Joao Felix ishte shumë afër transferimit tek Benfica pasi nuk është më në planet e trajnerit Enzo Maresca.

Mirëpo marrëveshja dështoi në fund mes yllit portugez dhe Benficas, pasi u përfshi një palë e tretë aty, shkruan Arbresh.info.

Sipas ekspertit të transferimeve, një telefonatë e Cristiano Ronaldos drejt Joao Felixit, për t’iu bashkuar Al-Nassr, ndryshoi rrjedhën e këtij transferimi.

Felix u telefonua nga kapiteni i tij tek Portugalia dhe ai menjëherë pranoi t’i bashkohet gjigantit saudit.

Tashmë është gjithçka e kryer, ai do të largohet nga Chelsea përfundimisht pas disa huazimeve që pati, fillimisht tek Barcelona e pastaj edhe tek Milani, gjysmën e sezonit të kaluar.

Joao Felix tashmë do të udhëtojë drejt Arabisë Sauditë për testet mjekësore si dhe nënshkrimit e kontratës.

Al-Nassr do të derdhë nga arkat e klubit plotë 30 milionë euro me klauzolë dhe bonuse të përfshira në marrëveshje./Arbresh.info