Gjatë vizitës së tij zyrtare në Turqi, Ministri në detyrë i Mbrojtjes, Ejup Maqedonci, është pritur nga Prof. Dr. Haluk Görgün, Udhëheqës i Sekretariatit të Industrisë së Mbrojtjes Kombëtare të Turqisë.

Maqedonci dhe Prof. Görgün diskutuan për mundësitë e bashkëpunimit të mëtejshëm me kompani të njohura si Baykar dhe të tjera, në funksion të rritjes së aftësive ushtarake të FSK-së, transmeton Arbresh.info.

Në kuadër të vizitës në Turqi, Maqedonci mori pjesë edhe në Panairin Ndërkombëtar të Industrisë së Mbrojtjes (IDEF), ku u njoh nga afër me risitë teknologjike dhe zhvillimet më të fundit të kompanive turke në fushën e mbrojtjes. Ai e vlerësoi këtë vizitë si një mundësi të rëndësishme për forcimin e bashkëpunimit strategjik ndërmjet dy vendeve.

“Faleminderit për mbështetjen e vazhdueshme që Turqia i ka dhënë Kosovës. Jam i entuziazmuar për projektet e përbashkëta që na presin në të ardhmen”, shkroi Maqedonci në Facebook./Arbresh.info