Ushtarët amerikanë të misionit të KFOR-it kryen patrullime në komunitetet lokale në të gjithë Kosovën.

KFOR njofton se patrulla të tilla synojnë të kontribuojnë në sigurinë dhe stabilitetin e përgjithshëm të zonës, transmeton Arbresh.info

Përmes këtyre përpjekjeve, KFOR-i thotë se e përforcon angazhimin e tij për paqe të qëndrueshme, duke siguruar një mjedis të sigurt për të gjitha komunitetet në të gjithë rajonin.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, thuhet në njoftim./Arbresh.info