Bashkimi është afër të kompletoj skuadrën për edicionin e ri 2025/26.

Prizrenasit gjatë paradites së sotme e kanë zyrtarizuar transferimin e tretë të huaj, shkruan Arbresh.info.

Bëhet fjalë për De’Quon Lake, i cili luan në pozitën e qendrës (5), dhe është i gjatë 208 cm.

Lake ka përvojë të pasur ndërkombëtare, ku karrierën e ka nisur tek Falco Szombathely në Hungari. Aty fitoi Kupën dhe Kampionatin, duke u aktivizuar edhe në Basketball Champions League.

Në sezonin e fundit 2024/25 me Paks, shënoi mesatarisht 9.2 pikë dhe 7.1 kërcime për ndeshje, me 69.1% saktësi në gjuajtje.

Gjithashtu ka luajtur edhe për Tsmoki-Minsk, Oklahoma City Blue (G-League), Humacao, Czarni Slupsk, SZTE Szeged dhe së fundmi Atomeromu Paks.

Ky është përforcimi i tretë i huaj i Bashkimit pas Kyan Anderson dhe Jeremiah Bailey./Arbresh.info