Është duke vazhduar bastisja e Policisë së Kosovës në Agjencinë Shtetërore të Arkivave në Prishtinë.

Arbresh.info mëson se bastisja e kësaj agjencie ka të bëjë me një dokument për pronën e ish-RTP-së në Veternik.

Në anën tjetër, Policia e Kosovës ka bërë të ditur se aksioni me urdhër të prokurorisë kompetente ka të bëjë lidhur me dyshimet për keqpërdorim të detyrës zyrtare.

Zëdhënësi i Policisë së Kosovës, Baki Kelani tha se aksione po kryhen edhe në Ferizaj dhe Shtime.

“Policia e Kosovës me njësitë e saja relevante, me autorizim të Prokurorisë kompetente, është duke realizuar një operacion policor, i cili përfshin tri komuna: Prishtinë, Ferizaj dhe Shtime. Operacioni policor po realizohet mbi dyshimet për keqpërdorim të detyrës zyrtare”, tha Kelani./Arbresh.info/

LEXO EDHE

Policia deklarohet: Bastisje po kryhen edhe në Ferizaj e Shtime lidhur me dyshimet për keqpërdorime