Limaj: Gjatë kësaj jave takohem me Kurtin, do tentojmë të gjejmë zgjidhje për të dal nga kriza

11:41 | 15 Korrik 2025
E.H

Kryetari i Nismës, Fatmir Limaj ka bërë të ditur se gjatë kësaj jave pritet të takohet me kryeministrin në detyrë, Albin Kurti.

Në një prononcim për media pas dështimit të seancës së 47-të për konstituimin e Kuvendit, Limaj tha se do të bisedoj me Kurtin për zgjidhjen e krizës institucionale.

“Besoj që gjatë javës. Po kemi fol. Duhet me bashkëbisedu me Kurtin për me dal prej kësaj situate. Gjëja e parë elementare është komunikimi dhe bashkëbisedimi për të dal nga kriza. Si me dal nga kriza nëse nuk bisedohet. Jam i interesuar të bisedoj edhe me liderët e tjerë politik, i shqyrtojmë mendimet sepse u bë e tepërt”, deklaroi Limaj.

Ai theksoi se do të tentoj të bëjë më të mirën për vendin në këtë rast formimin e institucioneve./Arbresh.info