Klubi angolez, Arsenali raportohet se ka arritur marrëveshje personale me anësorin anglez Noni Madueke dhe tani është gati të hapë negociatat me Chelsean për transferimin e tij gjatë kësaj jave.

Sipas “The Telegraph”, Chelsea kërkon plot 50 milionë paund për kartonin e Madueke-s, një shifër që do t’i siguronte klubit londinez një përfitim të madh, duke pasur parasysh se lojtari u ble në vitin 2023 nga PSV Eindhoven për 30 milionë paund.

23-vjeçari, i cili ka qenë pjesë e akademisë së Tottenhamit në të kaluarën, është aktivizuar edhe me kombëtaren e Anglisë gjatë sezonit të fundit, duke shtuar vlerën e tij në treg.

Madueke shihet nga Arsenali si një përforcim i rëndësishëm për krahët e sulmit, ndërkohë që Chelsea është i gatshëm të dëgjojë ofertat, për sa kohë arrihet çmimi i kërkuar.

Ky transferim potencial pritet të jetë një nga lëvizjet më të rëndësishme të afatit kalimtar të kësaj verë në Angli./rtk