Gjatë kontrolleve në territorin e qarkut Shkodër u gjetën dhe asgjësuan 40 mijë e 621 bimë të dyshuara narkotike kanabis. Policia e Shqipërisë thekson se janë proceduar penalisht tetë kryetarë fshatrash dhe dy roje mjedisi.

Lënda narkotike u gjet në disa njësi administrative:

-Në territorin e njësive administrative Shalë, Pult dhe Shosh, shërbimet e Komisariatit të Policisë Shkodër gjetën dhe asgjësuan 15 790 bimë të dyshuara kanabis.

-Në territorin e njësive administrative Kastrat dhe Shkrel, shërbimet e Komisariatit të Policisë Malësi e Madhe asgjësuan 22 422 bimë të dyshuara kanabis.

-Në territorin e njësive administrative Temal dhe Shllak, shërbimet e Komisariatit të Policisë Vau i Dejës asgjësuan 2 409 bimë të dyshuara narkotike kanabis./abcnews.al