Presidenti amerikan Donald Trump ka dhwnw njw interviste pwr Fox News këtë pasdite.

Në një diskutim tipik të gjerë, presidenti amerikan preku situatën në Lindjen e Mesme, transmeton Telegrafi.

Duke folur me Maria Bartiromo, ai tha se programi bërthamor i Iranit është “zhdukur siç askush nuk e ka parë kurrë më parë” pasi aeroplanët amerikanë bombarduan tre objekte kryesore bërthamore në vend.

“Kjo do të thoshte fundi i ambicieve të tyre bërthamore, të paktën për një periudhë kohore”, shtoi ai.

“Bomba kaloi nëpër të sikur të ishte gjalpë, sikur të ishte gjalpë absolut i gjithë vendi u shkatërrua thjesht”, theksoi presidenti amerikan.

Kur u pyet nëse Irani mund të kishte zhvendosur uranium të pasuruar shumë nga vendi i Fordow para sulmit, Trump këmbënguli se kjo ishte “shumë e vështirë për t’u bërë”.

“Është shumë e rrezikshme për t’u bërë, është shumë e rëndë, shumë, shumë e rëndë, është një gjë shumë e vështirë për t’u bërë”, tha ai.

“Për më tepër, nuk njoftuam shumë sepse ata nuk e dinin që po vinim deri atëherë”, shtoi Trump. /Telegrafi/