Rreth një muaj më parë Arbresh.info, ka raportuar ekskluzivisht, se trajneri bullgar, Lyubomir Minchev do të jetë trajner i Bora Basketball, për këtë edicion.

Gjatë ditë së sotme lajmi u bë zyrtar edhe nga klubi kryeqytetas përmes një postimi në rrjetin social Facebook, shkruan Arbresh.info.

Minchev është emër i njohur në basketbollin kosovar ku më parë ka udhëhequr edhe skuadrën e Trepçës, ku sukseset nuk i munguan. Ishte finalist i edicionit 2021/22, fitues i Kupës si dhe finalist i Superkupës atë edicion.

Ndërkohë fitoi edhe Superkupën Mbarëkombëtare me Trepçën, edicionin 2022/23.

Përveç Trepçës, ai ka udhëhequr edhe Levskin, BC Beroen e Spartak Pleven. Gjithashtu ka qenë kryetrajner i kombëtares bullgare për grupmoshën U20.

Me Minchev në krye Bora, synon arritje të mëdha për këtë edicion./Arbresh.info/DrilonHalili