Kanë kaluar dy orë nga kur ka nisur takimi i liderëve të partive politike, i thirrur nga kryetari i Lëvizjes Vetëvendosje, Albin Kurti.

Fokus i këtij takimi është gjetja e një zgjidhjeje për zhbllokimin e situatës politike në vend, me theks të veçantë në procesin e konstituimit të Kuvendit të Kosovës.

Takimi vjen pas aktgjykimit të Gjykatës Kushtetuese, e cila ka urdhëruar që Kuvendi të konstituohet brenda afatit prej 30 ditësh.

Në tryezën e bisedimeve marrin pjesë kryetarë dhe përfaqësues nga partitë kryesore politike: kryetari i Partisë Demokratike të Kosovës, Memli Krasniqi, së bashku me deputeten Vlora Çitaku; nga Lidhja Demokratike e Kosovës janë të pranishëm kryetari Lumir Abdixhiku dhe shefja e grupit parlamentar, Hykmete Bajrami.

Nga Aleanca për Ardhmërinë e Kosovës, takimin e përfaqëson deputetja Time Kadrijaj.

Gjithashtu, në takim marrin pjesë kryetari i NISMA-s, Fatmir Limaj, kryetarja e Alternativës, Mimoza Kusari-Lila, kryetari i GUXO-së, Faton Peci, si dhe përfaqësues të partive të komuniteteve jo shumicë./Arbresh.info

LEXO EDHE:

Nis mbledhja për zhbllokimin e Kuvendit, Kurtit i përgjigjen të gjitha partitë

Kurti arrin në Kuvend për t’u takuar me përfaqësuesit e partive politike