I dërguari iranian në Kombet e Bashkuara, Amir Saeid Iravan dënoi “aktet e agresionit” të Shteteve të Bashkuara dhe Izraelit ndaj Iranit, duke i thënë Këshillit të Sigurimit të OKB-së koha, natyra dhe shkalla e përgjigjes proporcionale të Iranit do të vendosen nga forcat e tij të armatosura.

“Edhe një herë, krimineli i luftës i kërkuar ndërkombëtarisht (kryeministri izraelit Benjamin) Netanyahu ia doli të rrëmbente politikën e jashtme të SHBA-së, duke i tërhequr Shtetet e Bashkuara në një tjetër luftë të kushtueshme dhe të pabazë”, tha ambasadori i Iranit në OKB në Nju Jork të dielën, raporton CNN transmeton Arbresh.info.

Ai akuzoi SHBA-në se “edhe një herë, në mënyrë të pamatur” zgjodhi “të sakrifikonte sigurinë e vet vetëm për të mbrojtur Netanyahun” dhe përsëriti “të drejtën legjitime” të Teheranit për t’u mbrojtur nga agresioni.

Irani gjithashtu e hodhi poshtë “ofertën e diplomacisë ” për bisedimet bërthamore si një “politikë për të mashtruar bashkësinë ndërkombëtare”.

“Irani po përgatitej për raundin tjetër të angazhimit diplomatik me Shtetet e Bashkuara më 15 qershor, vetëm që Izraeli të sulmonte Iranin dy ditë para se të zhvilloheshin këto bisedime. Në fakt, Izraeli vendosi të shkatërronte diplomacinë. E ashtuquajtura ofertë diplomatike nuk ishte gjë tjetër veçse një politikë mashtruese për të mashtruar bashkësinë ndërkombëtare”, tha ai.

Irani i kërkoi KS të OKB-së që të “veprojë menjëherë” për të adresuar “padrejtësitë dhe shkeljet e rënda” nga Shtetet e Bashkuara dhe Izraeli, duke pretenduar se dështimi i këtij organi për ta bërë këtë do të thotë se ai do të humbasë “besueshmërinë dhe rëndësinë” e tij.