Zëvendëskryeministri në detyrë, Besnik Bislimi, priti në takim Ambasadorin e ri të Italisë në Kosovë, Maurizio Antonini.

Teksa e uroi për detyrën e re, Bislimi i shprehu ambasadorit Antonini mirëseardhjen në Kosovë.

“Në vijim, biseduan rreth marrëdhënieve bilaterale dhe rëndësisë së fuqizimit të bashkëpunimit në fusha me interes të përbashkët. Zëvendëskryeministri Bislimi nënvizoi edhe përkushtimin e Kosovës në procesin e integrimit evropian dhe angazhimin në zbatimin e reformave. Përgjatë takimit u diskutua dhe mbi procesin e dialogut dhe takimet e fundit të zhvilluara në Bruksel”, thuhet në njoftimin nga ZKM.

Bislimi e falënderoi ambasadorin Antonini për takimin e bisedën, duke shprehur edhe vullnetin për bashkëpunim të ngushtë e fuqizim të marrëdhënieve mes dy vendeve tona./Arbresh.info