Trupi gjykues i Gjykatës Themelore në Prishtinë, ka aprovuar sot kërkesën e mbrojtjes së të akuzuarit për vrasjen e gruas së tij, Naim Murselit për ekzaminimin psikik të tij.

Pas vendimit për aprovimin e kësaj kërkese, trupi gjykues mbylli seancën e sotme, duke bërë të ditur se seancat e radhës do të vazhdojnë më 2 dhe 9 korrik në ora 13:10.

Ndryshe, gjatë seancës së sotme, tre të akuzuarit për planifikim dhe vrasjen e Liridona Ademajt, ndër ta edhe i akuzuari kryesor, ish- bashkëshorti i saj, Naim Murseli u deklaruan rreth fajësisë.

Naim Murseli tha se nësë prokuroria vërteton fajësinë e tij, vetë ai do kërkojë dënim të përjetshëm për veten e tij. Ndërkohë, Kushtrim Kokalla ka mohuar akuzat dhe është deklaruar i pafajshëm, ndërsa Granit Plava ka vendosur të mbrohet në heshtje/Arbresh.info/

LEXO EDHE

Naim Murseli e Kushtrim Kokalla mohojnë fajësinë, Granit Plava zgjedh heshtjen

Detaje të reja nga aktakuza për vrasjen e Liridona Murselit: Prokuroria me prova të shumta kundër tre të akuzuarve