Shefi i Shtabit të Përgjithshëm të Forcave të Armatosura, gjenerallejtënant Arben Kingji mori pjesë sot në Ditën e Vizitorëve të Divizionit të 28 amerikan dhe Task Force së Kosovës.

Kingji theksoi se, ky është një moment i rëndësishëm i Defender Europe 2025.
Së bashku me Autoritetet e larta të Kosovës, përfaqësues të SHBA-ve dhe të NATO-s, ata u informuan mbi realizimin e objektivave të stërvitjes dhe ndoqëm demonstrimin e TFK.

Kingji theksoi në një postim në rrjetet sociale se, “performanca e TFK e përbërë nga Forcat e FSK, EOD e FARSH dhe trupat e SHBA-ve, ishin provë e integrimit të forcave, ndërveprueshmërisë e gatishmërisë”.

Kingji uroi dhe falënderoi forcat tona dhe ato të FSK e SHBA, për profesionalizmin dhe rezultatet në përkushtimin e tyre në garantimin e paqes, sigurisë dhe stabilitetit.