Paris Saint-Germain ka shkruar histori ditën e shtunë, ku fitoi Ligën e Kampionëve për herë të parë, duke mposhtur Interin në finale me rezultat 5-0.

Me këtë triumf ata arritën një sukses të jashtëzakonshëm duke fituar tripletën, pasi u shpallën kampion të Francës dhe fituan kupën, shkruan Arbresh.info.

Kjo është një arritje e jashtëzakonshme që e ëndërron çdo skuadër, por pak e kanë fatin ta mbërrijnë.

PSG është bërë vetëm skuadra e nëntë në histori të futbollit që e arrin këtë sukses, pas Celticut, PSV, Manchester Unitedit, Barcelonës, Interit, Bayern Munichut dhe Manchester Cityt.

Barcelona dhe Bayerni e kanë fituar nga dy herë tripletën.

Trajneri i Parisit e cili e udhëhoqi skuadrën franceze në këtë sukses gjithashtu hyri në histori duke u bërë vetëm kryetrajner i dytë në histori të futbollit që arrin të fitojë dy tripleta, madje me skuadra të ndryshme.

Këtë e ka bërë vetëm Pep Guardiola i cili fitoi tripletë me Barcelonën në vitin 2009 dhe Manchester Cityn dy vite më parë.

Luis Enrique tripletën e parë e fitoi në sezonin 2014/15 me Barcelonën./Arbresh.info