Kryetarja e Kuvendit të Shqipërisë, Elisa Spiropali do të marrë pjesë në pjesë në Forumin e Tretë Ndërkombëtar për “Gratë, Paqen dhe Sigurinë” që organizohet me nismën e presidentes së Kosovës, Vjosa Osmani në Prishtinë, ku do të jenë të pranishëm politikanë e personalitete të rajonit, Evropës e më gjerë.

“Nesër, datë 2 qershor, Kryetarja e Kuvendit, Elisa Spiropali, është e ftuar në Forumin e Tretë Ndërkombëtar për “Gratë, Paqen dhe Sigurinë” organizuar me nismën e Presidentes së Kosovës, Vjosa Osmani, në Prishtinë, ku do të marrin pjesë politikanë e personalitete të rajonit, Europës e më gjerë”, thuhet në njoftimin e Kuvendit të Shqipërisë.

Ndërkaq në kuadër të këtij Forumi, presidentja e Kosovës, Vjosa Osmani ka pritur në një ceremoni shtetërore guvernatorin e Antigua dhe Barbudas Sir Rodney Williams i cili do të marrë pjesë në Forumin Ndërkombëtar për Gratë, Paqen dhe Sigurinë.

Përgjatë dy ditëve në vijim Prishtina do të mirëpresë edicionin e tretë të Forumit Ndërkombëtar për Gratë, Paqen dhe Sigurinë. Në këtë forum pritet të marrin pjesë mbi 30 panele diskutimi, me mbi 150 folës nga më shumë se 45 shtete./rtsh.al/