Prokuroria Themelore në Mitrovicë ka njoftuar se ka lëshuar një urdhër të përkohshëm ndalues për disa mjete motorike, të cilat ishin sekuestruar më 20 maj 2025 nga autoritetet në fshatin Popovcë të Leposaviqit.

Sipas njoftimit, mjetet ishin në pronësi të dyshuarit, S.V., i cili po kryente aktivitetin e gërmimit të shkëmbinjve pa lejen përkatëse dhe duke përdorur makineri të rëndë.

Me këtë rast është dhënë urdhër i përkohshëm ndalues për mjetet motorike:

Një kamion i markës Volvo 380 ngjyrë e kaltër me tabela vendore regjistrimi,

Një bager Ulta 150 L ngjyrë e verdhë pa dokumente.

Pas sekuestrimit të mjeteve, ndaj S.V. është hapur hetim për veprën penale të “Ndotjes, degradimit ose shkatërrimit të mjedisit”. Prokuroria ka deklaruar se do të vazhdojë hetimet dhe do të ndërmarrë masat e nevojshme për të ndjekur penalisht çdo veprim që dëmton mjedisin./Arbresh.info