Kryetari i Prishtinës, Përparim Rama ka mirëpritur në takim skuadrën e Prishtinës së Re, e cila u shpall kampion në Ligën e Parë, grupi B.

Me këtë sukses ata nga sezoni i ardhshëm gara do të bëjnë në Superligën e Kosovës, shkruan Arbresh.info.

Prezent në takimin me kryetarin Rama, ishte edhe afaristi i njohur Rrustem Pacolli, i cili ka nën pronësi skuadrën e Prishtinës së Re.

Kryetari i Prishtinës, i uroi për suksesin Pacollit, teksa u premtoi edhe mbështetje në vazhdim në të gjitha aspektet.

Pas kësaj, Rama i dhuroi “hyjneshën” dhuratë klubit të ri kryeqytetas.

Ndërkohë, Pacolli e falënderoi Ramën, për mbështetjen e dhënë gjatë gjithë kohës, ku potencoi se ky është vetëm fillimi nga kjo skuadër dhe vitet në vazhdim do të jenë akoma më të zjarrta./Arbresh.info