Presidenti rus, Vladimir Putin nuk është në mesin e emrave të listuar nga Kremlini si kandidatë që do të marrin pjesë në bisedimet e paqes mbi luftën në Ukrainë në Stamboll të enjten, pavarësisht thirrjeve nga presidenti ukrainas, Volodymyr Zelensky, që ai të marrë pjesë.

Delegacioni i Rusisë do të kryesohet nga ndihmësi presidencial Vladimir Medinsky, sipas deklaratës së Kremlinit, shkruan BBC transmeton Arbresh.info.

Zelensky kishte thënë më parë se do të merrte pjesë në bisedime dhe do të takohej personalisht me Putinin nëse presidenti rus do të pranonte, dhe tha se do të bënte gjithçka që mundej për të siguruar që takimi ballë për ballë të zhvillohej.

Presidenti ukrainas do të jetë në kryeqytetin turk, Ankara, të enjten për t’u takuar me Presidentin Recep Tayyip Erdogan.