Kryetari i Lëvizjes Vetëvendosje Visar Ymeri ka thënë se Vuçiqi e ka futur në xhep Isa Mustafën sepse sipas Ymerit, Vuçiq tani do të duhej të ishte në gjyq për krime lufte.

Ai këto komente i ka shkruar në llogarinë e tij në Facebook duke shtuar se Dialogu po vazhdon të udhëhiqet nga një njeri që nuk ka as dinjitet, as integritet e as legjitimitet demokratik./Arbresh.Info.

Ky është postimi i plotë:

Vuçiq, që do të duhej të ishte në gjyq për krime lufte, po e përçmon Mustafën. Kjo sjellje tregon që ai e ka futur Mustafën në xhep.

Dialogu që po ia tretë Kosovës shtetësinë e dinjitetin e që po ua zhbënë institucioneve integritetin, po vazhdohet dhe udhëhiqet nga një njeri që nuk ka as dinjitet, as integritet dhe as legjitimitet demokratik.

Edhe po të kishte qenë ky dialog parimor, i barabartë, i drejtë dhe reciprok, prapë nuk do të duhej të udhëhiqej nga një njeri i tillë i nënshtrueshëm.

Por një dialog çfarë është ky me Serbinë në Bruksel, pranohet vetëm nga njerëz të tillë, të nënshtruar politikisht e personalisht.