Mbrëmë ka përfunduar edhe gjysmëfinalja e dytë e Ligës së Kampionëve midis Barcelonës dhe Interit. Kjo sfidë u mbyll baras 3-3.

Kurse të martën mbrëma, Parisi mposhti Arsenalin në Londër minimalisht, 1-0, shkruan Arbresh.info.

Ditën e sotme UEFA ka publikuar formacionin më të mirë nga gjysmëfinalet e para.

11-shen e dominuan lojtarët e Parisit që ishin gjithsej katër, nga tre futbollistë patën Barcelona dhe Interi kurse Arsenali ishte me një të vetëm.

Në portë s’kishte si të mungonte Donnaruma i cili edhe njëherë tregoi klasin e tij.

Mbrojtja u përbë nga Lewis-Skelly, Acerbi, Marquinhos dhe Dumfries. Kurse në mesfushë zunë vend, Barella, Vitnha dhe Pedri.

Në treshen e sulmit sipas UEFA-s janë zgjedhur Raphinha, Dembele e Yamal.

Gjysmëfinalet e dyta luhet me 6/7 maj ku edhe do të përcaktohen finalistët që do të zbarkojnë në “Allianz Arena” me 31 maj./Arbresh.info