Tre të lënduar pas aksidentit mes një veture dhe një traktori në Drenoc të Klinës

15:17 | 23 Prill 2025
E.K

Tre persona janë lënduar si pasojë e një aksidenti që ka ndodhur sot në fshatin Drenoc të Klinës.

Zëdhënësi i Policisë për rajonin e Pejës, Driton Rugova, ka konfirmuar rastin për Arbresh.info, i cili tha se në këtë aksident është përfshirë një traktor dhe një veturë

Ai ka bërë të ditur se të tre personat e lënduar janë dërguar menjëherë në Spitalin Rajonal të Pejës për tretman mjekësor.

“Sot rreth orës 11:20, Policia është njoftuar për një aksident trafiku i cili ka ndodhur në fshatin Drenoc-Klinë, në këtë aksident ishin të involvuara një traktor dhe një vetur, si pasoj e aksidentit 3 persona kanë pësuar lendime trupore të njejtit janë dërguar në Spitalin Rajonal në Pejë për tretman mjekësor”, tha ai./Arbresh.info