Murati “kërcënon” opozitën: Nëse s’kanë votë për Haxhiun, edhe ne mund të mos ua votojmë nënkryetarët

11:27 | 23 Prill 2025
A Z

Deputeti i LVV-së, Hekuran Murati, ka thënë se opozita po e bllokon konstituimin e Kuvendit, duke penguar procesin demokratik dhe vonuar formimin e institucioneve të reja.

“Totalisht të painteresuar që të konstituohet Kuvendi. Të gjithë pajtohemi që Qeveria duhet të formohet nga shumica parlamentare. Praktika e ka treguar se fituesi i zgjedhjeve tenton ta formojë qeverinë. Te konstituimi i Kuvendit është pluralizëm demokratik. Po e shohim kush po bllokon dhe se po dalin të pavërteta të gjitha pretendimet sepse LVV-ja e ka propozuar kandidaten dhe opozita s’po e voton”, tha Murati.

Ai ka thënë se kjo është “një situatë paradoksale”, sepse nëse opozita s’e voton kryetaren e Kuvendit, edhe LVV-ja mundet të mos i votojë nënkryetarët.