Liria me fitore të madhe në Mitrovicë, hyn fuqishëm në garë për barazhin e Superligës

17:06 | 14 Prill 2025
D.H

Liria ka arritur të shënoj një fitore të madhe ndaj rivalit direkt për inkuadrim në Superligë, Trepçës ’89, në kuadër të xhiros së 22-të në Ligën e Parë, grupi A.

Prizrenasit triumfuan në “Riza Lushta” me rezultat 0-1, shkruan Arbresh.info.

Goli i vetëm në këtë sfidë u shënua në minutën e 52-të nga Dijar Nikqi.

Deri në fund të takimit mitrovicasit u munduan ta barazojnë rezultatin por nuk arritën dot. Në një moment “xehetarët” kërkuan edhe penallti por i të njëjtit mendim nuk ishte edhe gjyqtari i takimit.

Kështu me këtë fitore Liria arrin në kuotën e 40 pikëve, aq sa ka edhe Trepça ’89 dhe Vëllaznimi ku pritet një luftë e fortë për pozitën e dytë, kur kanë mbetur edhe pesë xhiro deri në fund.

Ndeshjen e radhës Liria e luan në shtëpi ndaj Mitrovicës, kurse 89-shi takohet me Trepçën në derbin lokal./Arbresh.info