Sezoni i rregullt i Superligës së Kosovës në basketboll ka përfunduar këtë vikend dhe tashmë edicioni ka hyrë në fazën më të rëndësishme të garave në play-off.

Ditën e sotme Federata e Basketbollit të Kosovës ka publikuar orarin e ndeshjeve dhe datat nga çerekfinalet deri tek finalja e madhe, shkruan Arbresh.info.

Fillimisht në çerekfinale do të përballen Sigal Prishtina – Vëllaznimi dhe Golden Eagle Ylli – Peja.

Bashkimi si liderë dhe Trepça nga pozita e dytë play-offin nga gjysmëfinalja.

Fituesi i ndeshjes mes Prishtinës dhe Vëllaznimit takohet me Trepçën në gjysmëfinale, kurse triumfuesi i ndeshjes Ylli – Peja takohet me Bashkimin.

Çerekfinalet nisin me 9/10 prill kurse ndeshjet e dyta do të luhen me 12/13 prill. Nëse ka nevojë për ndeshje të treta ato zhvillohen me 16-17 prill.

Gjysmëfinalet janë paraparë të fillojnë me 19/20 prill kurse finalja nga e mërkura e 7 majit.

Trepça është kampione në fuqi e Superligës së Kosovës në basketboll./Arbresh.info