Mesfushori shqiptar i Bayer Leverkusenit, Granit Xhaka e ka pasur një përplasje të ashpër verbale me tifozët e ekipit të tij pas eliminimit nga Arminia Bielefield në DFB Pokal.

Leverkuseni u eliminua në gjysmëfinale të Kupës së Gjermanisë nga klubi i Bundesliga 3, Arminia Bielefeld, pasi u mposht me rezultat 2-1 në ‘Schuco Arena’.

Kalimi i Arminia Bielefeldit në finale ishte po aq befasues edhe sa eliminimi i Leverkusenit, i cili shihej si favorit absolut.

Granit Xhaka geriet mit den eigenen Fans aneinander, gestenreich diskutierte der Anführer von Bayer Leverkusen vor dem Auswärtsblock mit den aufgebrachten Anhängern.#skypokal #dfbpokal pic.twitter.com/SIcpljQtrK

— Sky Sport (@SkySportDE) April 1, 2025

Ky eliminim nuk ka kaluar lehtë nga tifozët e ‘Farmaceutikëve’, të cilët kishin udhëtuar për këtë ndeshje dhe kanë kërkuar llogari nga lojtarët pas humbjes.

Mesfushori shqiptar, Granit Xhaka, ishte njëri nga lojtarët që shkoi te tribuna e tyre për të kërkuar falje dhe diskutuar, por jo gjithçka shkoi mirë.

Xhaka u pa duke debatuar me tone të ashpra me disa nga tifozët dhe video e rastit po bën bujë në rrjetet sociale. /Telegrafi/