Policia Rajonale e Ferizajt gjatë javës së kaluar ka shqiptuar 1 mijë e 205 gjoba kundërvajtëse.

Po ashtu, janë pezulluar 15 patentë-shoferë për drejtuesit e mjeteve që kanë kryer shkelje të rënda në trafik, shkruan Arbresh.info.

Gjatë kësaj periudhe janë regjistruar gjithsej 39 aksidente, nga të cilat:

– 20 aksidente me lëndime, ku kanë mbetur të lënduar 30 persona

– 19 aksidente me dëme materiale

Policia Rajonale e Ferizajt do të vazhdojë me aktivitete të shtuara për të parandaluar aksidentet dhe apelon tek të gjithë drejtuesit e automjeteve që të jenë të kujdesshëm dhe të respektojnë rregullat e trafikut.

“Ftojmë qytetarët që të bashkëpunojnë me policinë dhe të raportojnë çdo kundërvajtje në trafik përmes:

-Stacionit më të afërt policor
– Aplikacionit digjital “Lajmëro Policinë”
– Numrave të urgjencës: 192, 0290/326-250 & 0290/322-406″, thuhet në raportin e policisë/Arbresh.info/