Sion ka shprehur interesim të madh për të blerë Muharrem Jasharin nga LNZ Cherkasy, ku po shkëlqen këtë sezon.

Klubi zviceran ka porositur skautët e tij që të vëzhgojnë nga afër paraqitjet e Jasharit për të vlerësuar nëse ai justifikon 1 milion eurot që LNZ synon të negociojë për transferimin e tij.

Mesfushori 27-vjeçar, i cili aktualisht luan për LNZ dhe përfaqëson Kombëtaren e Kosovës, tërhoqi vëmendjen e Sionit dhe synon ta ofrojë gjatë afatit të verës.

Ky interesim ka lindur pasi Jashari ka shfaqur aftësitë e tij, duke shënuar 5 gola dhe duke dhënë 6 asistime në 20 ndeshje.

Edhe pse Sion është i etur për të siguruar shërbimet e tij, klube të tjera duke përfshirë LASK Linz, Banik Ostrava dhe Dinamo Kiev kanë treguar gjithashtu interesin e tyre për mesfushorin.

Vlera në transfermarket e Jasharit është 900 mijë euro dhe shifra e kërkuar nga LNZ duket korrekte.