“Ne ndjejmë mbështetje të fortë për Ukrainën” – mesazhi i parë i Zelensky pas samitit

22:15 | 2 Mars 2025
E.H

Presidenti i ukrainas, Volodymyr Zelensky ka reaguar pas samitit në Londër kushtuar Ukrainës.

Me anë të një postimi në platformën X, Zelensky është shprehur mirënjohës për të gjithë miqët dhe partnerët për përpjekjen e tyre për të sjell paqe në Ukrainë, përcjell Arbresh.info.

Ndër të tjera, në postimin e presidentit thuhet se Ukraina po punon me Evropën për për të krijuar një bazë solide për bashkëpunim me Shtetet e Bashkuara

“Samiti në Londër iu kushtua Ukrainës dhe së ardhmes sonë të përbashkët evropiane. Ndjejmë mbështetje të fortë për Ukrainën, për popullin tonë – ushtarë dhe civilë dhe pavarësinë tonë. Së bashku, ne po punojmë në Evropë për të krijuar një bazë solide për bashkëpunim me Shtetet e Bashkuara në kërkim të paqes së vërtetë dhe sigurisë së garantuar. Uniteti i Evropës është në një nivel jashtëzakonisht të lartë, i cili nuk është parë për një kohë të gjatë. Ne po diskutojmë me partnerët tanë garancitë e sigurisë dhe kushtet për një paqe të drejtë për Ukrainën. Një sërë takimesh dhe vendimesh të rëndësishme po përgatiten për të ardhmen e afërt. Unë u jam mirënjohës të gjithë miqve dhe partnerëve tanë për përpjekjet e tyre për të sjellë një paqe të qëndrueshme dhe të garantuar në Ukrainë. Forca e përbashkët mund të mbrojë të ardhmen tonë”, ka shkruar Zelensky

Shpërndaje në rrjete sociale

Të ngjashme