Orari i ndeshjeve çerekfinale në Kupën e Kosovës, ndeshjet luhen të mërkurën dhe të enjten

photo by: @Shpend Ahmeti

14:05 | 24 Shkurt 2025
E.H

Është përcaktuar orari i ndeshjeve çerekfinale të Kupës së Kosovës, të cilat do të zhvillohen këtë mesjavë më datat 26 dhe 27 shkurt 2025.

Të gjitha sfidat do të luhen duke filluar nga ora 13:00.

Edhe në këtë fazë luhet vetëm nga një ndeshje dhe në rast të rezultatit të barabartë zhvillohen vazhdimet 2×15 minuta, e në rast se as atëherë nuk ka fitues, atëherë skuadra që kalon në gjysmëfinale vendoset përmes penalltive, shkruan telegrafi.

Të rikujtojmë se fituesi i këtij trofeu siguron pjesëmarrjen në garat evropiane.

Nga kjo fazë çerekfinale në Kupën e Kosovës do të aplikohet edhe sistemi VAR.

E mërkurë, 26 shkurt:
Drenica – Ferizaj (Stadiumi “Bajram Aliu”, Skënderaj)
Malisheva – Llapi (Stadiumi “Liman Gegaj”, Malishevë)

E enjte, 27 shkurt:
Vëllaznimi – Prishtina (Stadiumi “Liman Gegaj”, Malishevë)
Prishtina e Re – Drita (Stadiumi “Sami Kelmendi”, Lipjan).