Scholz: Duhet të pranojmë se kemi humbur zgjedhjet

19:04 | 23 Shkurt 2025
E.G

Kancelari gjerman Olaf Scholz, kreu i Social Demokratëve (SPD), thotë se rezultatet e zgjedhjeve janë “të hidhura” për partinë e tij, duke e quajtur atë një “humbje”.

Si përkujtim, exit poll-et treguan se SPD ishte në vendin e tretë, me 16-16.5% të votave.

Duke folur me mbështetësit në Berlin, Scholz thotë se është një moment “në të cilin ne duhet të pranojmë se kemi humbur zgjedhjet”, shkruan BBC, përcjell Arbresh.info.

Në zgjedhjet e mëparshme, thotë ai, partia kishte një rezultat “më të mirë” për të cilin ai ishte “përgjegjës”, duke shtuar se ky rezultat “është më i keq dhe unë jam përgjegjës edhe për këtë”.

Scholz vazhdon të përgëzojë Friedrich Merz, liderin e partisë konservatore Demokristiane./Arbresh.info/