Kompania Rajonale e Ujësjellësit “Mitrovica” njofton se i gjithë qyteti i Vushtrrisë dhe disa fshatra kanë mbetur pa furnizim me ujë të pijes si pasoj e shpërthimit të gypit kryesor.

Në njoftim thuhet se edhe Dobëlluka dhe Smrekonica kanë mbetur pa ujë ndërsa ekipet e mirëmbajtjes së rrjetit janë në vendin e ngjarjes, përcjell Arbresh.info

Njoftimi i plotë:

Të nderuar konsumatorë,

Ju njoftojmë se, si pasojë e shpërthimit të gypit kryesor 700 mm në daljen e Vushtrrisë, pranë “EMONA”-s, i gjithë qyteti i Vushtrrisë, si dhe fshatrat deri në Grace, kanë mbetur pa furnizim me ujë të pijes. Po ashtu, edhe Dobërlluka dhe Smrekonica janë pa ujë.

Ekipet e mirëmbajtjes së rrjetit janë në vendngjarje dhe po bëjnë përpjekje për të ofruar një zgjidhje të përkohshme për këtë natë.

Puna kryesore për sanimin e gypit, i cili ndodhet në thellësi prej rreth 4 metrash nën sipërfaqen e tokës, pritet të fillojë nesër.

Ju faleminderit për mirekuptimin dhe bashkëpunimin tuaj!/Arbresh.info